პრემიერ-მინისტრის მამუკა ბახტაძის განცხადებით, თუკი მმართველი გუნდის მიერ მხარდაჭერილი კანდიდატის, სალომე ზურაბიშვილის საარჩევნო კამპანია ობიექტურად გაშუქდება, „ყველა დაინახავს თუ რამდენად ინტენსიურია ეს კამპანია“. - ასე უპასუხა პრემიერმა ჟურნალისტის შეკითხვას, თუ სად არის მმართველი გუნდის მიერ მხარდაჭერილი საპრეზიდენტო კანდიდატი და რატომ არ არის ჩართული წინასაარჩევნო კამპანიაში.
„ქალბატონ სალომეს აქვს თავისი წინასაარჩევნო შეხვედრების გრაფიკი, მინდა გითხრათ, რომ საკმაოდ ინტენსიურიც. თუ მისი კამპანიის გაშუქება მოხდება ობიექტურად, ყველა დაინახავს, თუ რამდენად ინტენსიურია ეს კამპანია“, - განაცხადა მამუკა ბახტაძემ.