„ქართული ოცნების“ მიერ მხარდაჭერილი კანდიდატი სალომე ზურაბიშვილი სოფელ ატოცში, საოკუპაციო ხაზთან ჩავიდა. 

„აქ ჩამოვედი იმიტომ,რომ მოითხოვა მდგომარეობამ. არავის არ ვუპასუხებ არავის. მე ვარ აქ ჩამოსული იმისათვის, რომ ვილაპარაკო ჩემს გეგმებზე, როგორი პრეზიდენტი ვიქნები, რომელიც არ დაუშვებს ავყვეთ პროვოკაციებს, რომელიც დაიცავს ამ ქვეყანას და თავის მოქალაქეებს. მთავარია მუშაობა ჩვენს პარტნიორებთან ერთად, რომ გავაძლიეროთ საოკუპაციო ხაზზე უსაფრთხოება. ამავე დროს, ეს არ გადავაქციოთ საზღვრად, რაც არის ყველაზე რთული ბალანსი."- განაცხადა სალომე ზურაბიშვილმა. 

ჟურნალისტის შეკითხვაზე, ისევ ფიქრობს თუ არა, რომ საქართველოს ხელისუფლებამ დაბომბა თავისი მოსახლეობა, სალომე ზურაბიშვილმა უპასუხა, რომ მას ასეთი რამ არ უთქვამს. 

სალომე ზურაბიშვილი სოფელ ატოცში ჩავიდა

ქარელის მუნიციპალიტეტის სოფელ ატოცთან საოკუპაციო ძალების წარმომადგენლები ახალ ღობეს აშენებენ. 

სოფელ ატოცთან საოკუპაციო ძალების წარმომადგენლები ახალ ღობეს აშენებენ

6 ნოემბერს საქართველოს საგარეო საქმეთა სამინისტრომ საგანგებო განცხადება გაავრცელა და დაგმო სოფელ ატოცთან საოკუპაციო ხაზის ხელოვნური ბარიერებით გამაგრების დაწყება. საგარეო საქმეთა სამინისტრო რუსეთს მოუწოდებს, შეწყვიტოს „საქართველოს სუვერენიტეტისა და ტერიტორიული მთლიანობის წინააღმდეგ მიმართული უკანონო ქმედებები... და გაიყვანოს თავისი სამხედრო შენაერთები საქართველოს ტერიტორიიდან“. 

სოფელ ატოცთან, საოკუპაციო ხაზის მიმდებარე ტერიტორიაზე ქეთევან ციხელაშვილი მივიდა

საოკუპაციო ხაზის საკითხის გამოსასწორებლად გაპრეზიდენტებისთანავე შევუდგები მუშაობას - ზურაბიშვილი