პოლიციამ დაადგინა პირის ვინაობა, რომელიც აშშ-ში, კალიფორნიის შტატის ერთ-ერთ ბარში შეიჭრა და 12 ადამიანი მოკლა. თავდამსხმელი ყოფილი საზღვაო ქვეითი, 28 წლის დევიდ ლონგი აღმოჩნდა. მან ბარში სამართალდამცველთა შესვლისას თავი მოიკლა. ჯერ-ჯერობით უცნობია თავდასხმის მოტივი.

ლონგი ლოს-ანჯელესიდან 65 კილომეტრის დაშორებით, ერთ-ერთ ბარში ოთხშთაბს, ადგილობრივი დროით 23:20 საათზე შეიჭრა. ბარში, რომელიც სტუდენტურ საღამოს მასპინძლობდა, იმ მომენტში 200-მდე ადამიანი იყო.

თვითმხილველები ჰყვებიან, რომ შავებში ჩაცმულმა შეიარაღებულმა მამაკაცმა ბარის დაცვის თანამშრომელს ესროლა და შიგნით ასე შეაღწია. შემდეგ ლონგმა კვამლის ყუმბარა გადააგდო და ბარში თავისი 45 კალიბრიანი „გლოკის“ პისტოლეტიდან სროლა გააგრძელა. სროლის შედეგად 12 ადამიანი დაიღუპა, 10 კი დაიჭრა.

დევიდ ლონგს პოლიციასთან აქამდე შეხება რამდენჯერმე ჰქონდა, მათ შორის ოჯახში ძალადობისთვის. როგორც ადგილობრივი შერიფი ჰყვება, მაშინ ლონგი გამოკითხვისას „ცოტათი ირაციონალურად იქცეოდა“.