დღეს საქალაქო სასამართლო “საერთაშორისო გამჭვირვალობა – საქართველოს” აღმასრულებელი დირექტორის ეკა გიგაური სარჩელს განიხილავდა.
ეკა გიგაურმა რეჟისორ გოგა ხაინდრავას და არასამთავრობო ორგანიზაცია “პოზიციის” დირექტორს, გურამ ადამაშვილს ცილისწამებისათვის თბილისის საქალაქო სასამართლოში 2015 წელს უჩივლა.
დღევანდელ პროცესზე სასაზღვრო პოლიციის ყოფილი მაშინდელი უფროსი ბადრი ბიწაძე დაიკითხა.
ტელეკომპანია „რუსთავი 2-ის“ ინფორმაციით, ბიწაძემ სხდომაზე განაცხადა, რომ ეკა გიგაურს და სასაზღვრო პოლიციას 7 ნოემბერის დარბევასთან კავშირი არ ჰქონია და კაპიტნის წოდება გიგაურმა წარმატებული რეფორმებისთვის მიიღო.
„ქალბატონი გიგაური იყო ლეიტანენატი. მან განსაკუთრებული წვლილი შეიტანა ჩვენი სასაზღვრო პოლიციის რეფორმაში. განსაკუთრებით იმუშავა აშშ სასაზღვრო პროგრამასთან, წავახალისე და ჩემი წარდგინებით მივმართე მინისტრის რომ ერთი საფეხურით მოემატებინა წოდება“, - განაცხადა სხდომის დასრულების შემდეგ ჟურნალისტებთან ბადრი ბიწაძემ.
