„დაგივლით სათითაოდ, სათითაოდ დაგივლით სულყველას, დედიან-მამიანად სულყველას. ეს მართლა არამზადები ესენი“ - ამის შესახებ „პატრიოტთა ალიანსის“ წარმომადგენელმა დეპუტატმა, ირმა ინაშვილმა პარლამენტის ბიუროს სხდომაზე განაცხადა. იგი გამოსვლის დროს „ერთიანი ნაციონალური მოძრაობის“ წევრ რომან გოცირიძეს მიმართავდა.
„გონორს დაუწიეთ და ფარები ჩააქრეთ. თქვენი არავის ეშინია ამ ქვეყანაში. იმ პლაკატებს, აქა-იქ რომ აკრავთ, გაგაკრავთ შუბლზე და დავამთავრებთ ამითი. ჩვენც დაგივლით სათითაოდ. ყველას კარებთან მოვალთ და ვერავინ ვერ გამაჩერებს. ყველას აგიკრავთ კარებთან, რომ თქვენ ჩააბარეთ ახალგორი და კოდორი გაყიდეთ. გაყიდეთ! და ახლა მე ამ თადუმაძეს მოვუწოდებ, მთავარ პროკურორს - რატომ არ იძიებს ახალგორის და კოდორის გარიგების საკითხს, რუსეთს როგორ აჩუქეს ამ მოღალატეებმა?! როგორ ჩაბაარეს?! არც ომი იყო და არც არაფერი ხდებოდა იქ. გაყიდეთ ქართული მიწები“ - თქვა ინაშვილმა.
მისი თქმით, საპრეზიდენტო არჩევნების მეორე ტურში ენმ-ს კანდიდატს უფრო მეტი ადამიანი ეტყვის უარს.
„ბოლომდე გაგასწორებთ მიწასთან მორალურად და ზნეობრივად. თქვენ მაინც არ გაქვთ ზნეობა. ამიტომ, გეუბნებით, ჩააქრეთ ფარები. თქვენი ტიტუშკების არავის არ ეშინია. არც გვარამიასი ეშინია არავის, იქიდან რომ დედას იგინება. დედის გინებაზე კიარა, დაგივლით სათითაოდ, სათითაოდ დაგივლით სულყველას, დედიან-მამიანად სულყველას. ეს მართლა არამზადები ესენი“. - თქვა ინაშვილმა.