ამოუცნობი მფრინავი ობიექტების შესახებ რამდენიმე შეტყობინების შემდეგ ირლანდიის ავიაციის მმართველებმა გამოძიება დაიწყეს - ამის შესახებ BBC წერს. 

9 ნოემბერს, ადგილობრივი დროით 06:47 საათზე ბრიტანული ავიახაზების პილოტი ქალაქ შენონის საჰაერო კონტროლის განყოფილებას დაუკავშირდა და ჰკითხა - სამხედრო წრთვნები ხომ არ მიმდინარეობდა, რადგან ჰაერში „რაღაც ძალიან სწრაფად მოძრაობდა“, - რაზეც პასუხად განყოფილებისგან მიიღო, რომ სამხედრო წრთვნები არ მიმდინარეობდა. 

პილოტი აცხადებს, რომ მან ძლიერი ნათება დაინახა. მისი თქმით, ობიექტი თვითმფრინავის მარცხენა მხარეს მმიუახლოვდა, შემდეგ კი სწრაფად იცვალა გეზი ჩრდილოეთისკენ. 

კიდევ ერთი პილოტიც იმავეს ამბობს და ვარაუდობს, რომ ეს მეტეორი ან რაიმე სხვა ობიექტი იყო, რომელმაც დედამიწი ატმოსფეროში შემოაღწია. ის ამბობს, რომ ერთი მიმართულებით მიმავალი რამდენიმე გადანათებული ობიექტი დაინახა. 

ერთი პილოტი ამბობს, რომ ობიექტების სიჩქარე ბგერის სიჩქარეს აჭარბებდა.

9 ნოემბერს რამდენიმე თვითმფრინავისგან მიღებული შეტყობინებების საფუძველეზე, რომელიც უჩვეულო საჰაერო აქტივობას ეხებოდა, ირლანდიის ავიაციის სამმართველომაც ოფიციალურად დაადასტურა და საქმის მოკვლევის შესახებ განაცხადა.

„ამ საქმეზე სტანდარტული, კონფიდენციალური საგამოძიებო პროცესია დაწყებული“

შენონის აეროპორტის სპიკერმა განაცხადა, რომ მათი მხრიდან არ იქნება მართებული ავიაციის სამმართველოს გამოძიების დასრულებამდე კომენტარის გაკეთება.