Edison Research-მა ტელეკომპანია „რუსთავი 2-ის“ დაკვეთით მორიგი კვლევა ჩაატარა. „საპრეზიდენტო არჩევნების მეორე ტური დღეს რომ ტარდებოდეს, ვის მისცემდით ხმას?“ - ასეთი იყო კითხვა, რომლითაც მკვლევარებმა 2 000 მოქალაქეს მიმართეს.

ტელეკომპანიის ინფორმაციით, სრული ალოკაციით შედეგები ასე გადანაწილდა: 

56% ამბობს, რომ ხმას გაერთიანებული ოპოზიციის კანდიდატს, გრიგოლ ვაშაძეს მისცემდა, ხოლო 44% - „ქართული ოცნების“ მიერ მხარდაჭერილ კანდიდატს, სალომე ზურაბიშვილს. 

რაც შეეხება ალოკაციის გარეშე მიღებულ შედეგებს, ისინი ასე გადანაწილდა:

გრიგოლ ვაშაძე - 38%;

სალომე ზურაბიშვილი - 34%;

არ ვიცი/არ ვპასუხობ - 18%;

არც ერთს - 10%.