გრიგოლ ვაშაძის საარჩევნო შტაბის ხელმძღვანელმა გიორგი ვაშაძის თქმით, ცენტრალური საარჩევნო კომისიის გადაწყვეტილება სხდომის გადადებაზე არის თაღლითობა. მისი თქმით, საარჩევნო კომისია ასრულებს იმ დავალებებს, რასაც „ქართული ოცნებიდან“ იღებს. ცესკოში სხდომა 13:00 საათზე იყო დაგეგმილი, თუმცა ცესკოს ინფორმაციით, სხდომა გადაიდო და ის დღეს, 19:00 საათზე გაიმართება.

„მოვედით სხდომაზე დასასწრებად და გზაში ჟურნალისტმა დამირეკა, რომ სხდომა გადაიდო. სამარცხვინოა, ცენტრალური საარჩევნო კომისია ჩვეულებრივ თაღლითურ ორგანიზაციად ჩამოყალიბდა. მთავარი თაღლითი არის თამარ ჟვანია, რომელიც ასრულებს ყველა დავალებას, რასაც „ქართული ოცნების" შტაბიდან იღებს. ეს მათ ვერ უშველით. მითუმეტეს, დღეს გამოქვეყნდა „ედისონ რისერჩის" კვლევები, სადაც 12%-ით იგებს გრიგოლ ვაშაძე. გამარჯვებას ვერ გამოგვტაცებენ ამ თაღლითური სქემებით ვერც ერთ შემთხვევაში", - განაცხადა ვაშაძემ.