„ევროკავშირი აღიარებს საქართველოს მიღწევებს დაბალი და საშუალო დონის კორუფციასთან ბრძოლაში, რამაც კორუფციის აღქმის ინდექსში საქართველოს მაჩვენებელი გააუმჯობესა, თუმცა მაღალი დონის ელიტური კორუფცია სერიოზულ პრობლემად რჩება" - ამის შესახებ ევროპარლამენტის მიერ მომზადებულ ანგარიშშია ნათქვამი „ასოცირების ხელშეკრულების" შესრულების შესახებ, რომელსაც ევროპარლამენტი კენჭს დღეს უყრის.
ევროპარლამენტში თქვეს, რომ კორუფციასთან ბრძოლით ევროკავშირის რამდენიმე ქვეყანას ვუსწრებთ - პრემიერი
დოკუმენტში ევროპარლამენტი საქართველოს ხელისუფლებას მოუწოდებს, ანტიკორუფციული სტრატეგია და მისი სამოქმედო გეგმა მიიღოს და უზრუნველყოს, რომ ანტიკორუფციული სააგენტო დამოუკიდებელი, პოლიტიკური გავლენებისგან თავისუფალი უწყება იქნება, რომელიც არ იქნება სახელმწიფო უსაფრთხოების სამსახურის შემადგენლობაში.
ანგარიში ხაზს უსვამს პოლიტიკური და ეკონომიკური ინტერესების ეფექტური გამიჯვნის მნიშვნელობას და აღნიშნავს, რომ კორუფციასთან ბრძოლას დამოუკიდებელი სასამართლო სისტემა და მაღალი დონის კორუფციის შემთხვევების გამოძიებების პრაქტიკა სჭირდება, რაც საქართველოს ჯერ არ აქვს.
ანგარიშში საუბარია სამართალდამცავთა მხრიდან ჩადენილი დანაშაულების გამოძიების საკითხზეც და აღნიშნულია, რომ ასეთი დანაშაუილების გამოსაძიებლად აუცილებელია სრულიად დამოუკიდებელი მექანიზმის შექმნა, რომელიც არ იქნება იქნება მთავარი პროკურატურის გავლენის ქვეშ.
