ევროპარლამენტი საქართველოს ევროკავშირთან ინტეგრაციის საგზაო რუკის შექმნის იდეას მიესალმება

„ლიბერალი"

ახალი ამბები / პოლიტიკა

14 ნოემბერი, 2018 16:54

„ევროპარლამენტი მიესალმება საქართველოს მთავრობის ინიციატივას ევროკავშირთან ინტეგრაციის საგზაო რუკის შექმნის შესახებ, რომელიც საქართველოსა და ევროკავშირს შორის ურთიერთობების გაძლიერებისკენაა მიმართული" - ამის შესახებ ევროკავშირის ანგარიშშია ნათქვამი „ასოცირების შეთანხმების" შესრულების შესახებ, რომელსაც პლენარულ სხდომაზე კენჭი დღეს უნდა უყარონ.

ევროპარლამენტი ანგარიში კიდევ ერთხელ იმეორებს, რომ ევროკავშირის ხელშეკრულების 49-ე მუხლთან მიამრთებით, ასევე რომის დეკლარაციასთან მიამრთბით, ნებისმიერ ევროპულ ქვეყანას შეუძლია გააკეთოს განაცხადი ევროკავშირის წევრობაზე, კოპენჰაგენის კრიტერიუმების დაცვით.

ანგარიშში ნათქვამია, რომ ევროკავშრის მიერ საქართველოსთვის გამოყოფილი დახმარება 2017-2020 წლებში დაახლოებით 371-დან 483 მლნ ევროს შეადგენს, ხოლო დამატებითი სახსრები მას „მეტი მეტისთვის" პრინციპის შესაბამისად გადაეცემა ასოცირების დღის წესრიგიდან გამომდინარე.

ანგარიში კრიტიკულად აფასებს საქართველოს სხვადასხვა სფეროში და ხელისუფლებას შესაბამისი ნაბიჯების გადადგმისკენ მოუწოდებს. წაიკითხეთ მეტი ანგარიშის შესახებ ბმულებზე:

ევროპარლამენტი: ასოცირების დღის წესრიგის შესასრულებლად კვალიფიციური კადრების დანიშვნაა საჭირო