„ქართული ოცნების“ ოფისში გამართულ ბრიფინგზე პარლამენტის თავმჯდომარემ, ირაკლი კობახიძემ, არჩევნების თარიღთან დაკავშირებით ჟურნალისტების შეკითხვებს უპასუხა. მისი თქმით, არჩევნების დღის დანიშვნა დამოკიდებულია ოქმის შეჯამებაზე და მიაჩნია, რომ მისი თარიღი გავლენას ვერ მოახდენს აქტივობაზე.
„არჩევნების დანიშვნა არის ცენტრალური საარჩევნი კომისიის პრეროგატივა. რაც შეეხება დღის დანიშნვნას, ეს დამოკიდებულია ოქმის შეჯამებაზე. მე არ მგონია, რომ არჩევნების თარიღმა რამე გავლენა მოახდინოს აქტივობაზე. სააკაშვილმა 2012 წელს ორშაბათს დანიშნა არჩევნები, თუმცა ის ყევლაზე აქტიური არჩევნები იყო საქართველოს უახლოეს ისტორიაში. შესაბამისად, აქ სპეკულაციებისთვის ნამდვილად არ არის საფუძველი“, - განაცხადა ირაკლი კობახიძემ.
