ევროპარლამენტი საქართველოს ხელისუფლებას მოუწოდებს, ჰაერის დაბინძურების წინააღმდეგ საბრძოლველად სტრატეგია შეიმუშაოს. შესაბამისი მოწოდება ევროპარლამენტის ანგარიშშია აღნიშნული, რომელიც „ასოცირების შეთანხმების" შესრულებას ეხება და რომელსაც კენჭი პლენარულ სხდომაზე დღეს უნდა უყარონ.
ევროპარლამენტი ხელისუფლებას მოუწოდებს, გაზარდოს საზოგადოების მონაწილეობა გარემოსთან დაკავშირებული გადაწყვეტილებების მიღების პროცესში, ამავდროულად ფართოდ ხელმისაწვდომი გახადოს გარემოსთან დაკავშირებულ გადაწყვეტილებებზე ინფორმაცია.
„იმის გათვალისწინებით, რომ გარემოსდაცვითი მმართველობა „ასოცირების შეთანხმების" მთხოვნების მნიშვნელოვანი ნიშაა, ევროპარლამენტი მიესალმება გარემოსდაცვითი შეფასების კოდექსის მიღებას ევროკავშირის კანონმდებლობის შესაბამისად, ასევე კლიმატის ცვლილების გეგმის საგზაო რუკის შექმნას. ევროკავშირი ასევე მოუწოდებს ხელისუფლებას, გარემოსდაცვითი პოლიტიკა კიდევ უფრო შეუსაბამოს ევროკავშირის მიზნებს კლიმატის ცვლილების წინააღმდეგ ბრძოლაში, კერძოდ 2015 წლის პარიზის შეთანხმებითა და „დაბალი ემისიების გამომუშავების სტრატეგიის" მიღებით" - ნათქვამია ანგარიშში.
ევროკავშირი მხედველობაში იღებს საქართველოს მთავრობის გეგმავს, განავითაროს ჰიდროენერგია და მოუწოდებს ხელისუფლებას, შესამის სფეროში საქმიანობა სრულიად შეუსაბამოს ევროკავშრის სტანდარტებს, განსაკუთრებით, დანერგოს ღია და გამჭვირვალე გარემოზე ზემოქმედების შეფასების პროცედურა, რომელშიც გადაწვყეტილების მიღების მთავარ ეტაპზე ჩართული იქნებიან ყველა დაინტერესებული პირები.
