შაბათს, სამის ნახევარზე ოქროს უბანში ავტოსკოლის ტერიტორიაზე გაიმართება აქცია - "მოვითხოვთ პარკს ოქროს უბანში".
"ოქროს უბნელებს პარკი ჰაერივით ჭირდებათ, ეს კი ერთადერთი შესაძლებელი ადგილია მისი მოწყობისთვის.
თუ იმასაც გავითვალისწინებთ, რომ ტერიტორია თბილისის თვითმმართველი ერთეულის საკუთრებაშია, მერიას ამის გაკეთება არ უნდა გაუჭირდეს - პოლიტიკური ნებაა საჭირო", - წერია აქციის ანონსში.
„m2 კორპუსების აშენებას გეგმავს იქ, სადაც ადგილობრივები სკვერის აშენებას ითხოვდნენ" - ბაქრაძე
ოქტომბერში ზურაბ ბაქრაძემ მერს ღია წერილით მიმართა, სადაც წერდა, რომ დეველოპერული კომპანია m²-მა მრავალსართულიანი საცხოვრებელი კორპუსების მშენებლობისთვის ფოცხვერაშვილის, კონსტიტუციის, ნინოშვილისა და ჩუბინაშვილის ქუჩებს შორის კვარტალის განაშენიანების გეგმისთვის მერიას მიმართა.
წლების განმავლობაში მოსახლეობა აქ პარკის მოწყობს ითხოვდა.
