საქართველოს ყოფილი პრეზიდენტი მიხეილ სააკაშვილი ვიდეომიმართვას ავრცელებს, სადაც საპრეზიდენტო არჩევნების მეორე ტურის სამუშაო დღეს, ოთხშაბათს დანიშვნას ეხმაურება:
„პანიკაში მყოფმა ივანიშვილმა არჩევნები დანიშნა კვირის ნაცვლად ოთხშაბათს იმ იმედით,რომ კერძო ბიზნესის მფლობელები არ გამოუშვებენ თანამშრომლებს და ვერც უცხოეთში მყოფი ჩვენი თანამემამულეები ვერ შეძლებენ არჩევნებზე მისვლას. მინდა ვუთხრა უცხოეთში მყოფ საქართველოს მოქალაქეებს,რომ როგორც კი შეიცვლება ხელისუფება,ყველას დაგირიგდებათ ელექტრონული ბარათები და სახლიდან გაუსვლელად შეძლებთ ხმის მიცემას.მანამდე კი,ამ ერთხელ და ბოლოჯერ ,აჩუქეთ ერთი დღე თქვენ სამშობლოს და დატოვეთ ოლიგარქი გაბითურებული“,- აცხადებს სააკაშვილი.
საქართველოს ცენტრალურმა საარჩევნო კომისიამ გუშინდელ სხდომაზე 28 ოქტომბრის საპრეზიდენტო არჩევნების პირველი ტურის შედეგები შეაჯამა და ხმათა უმრავლესობით დაუჭირა მხარი საპრეზიდენტო არჩევნების II ტური 28 ნოემბერს გამართვას.
„28 ნოემბერი იქნება უქმე დღე საქართველოს მთელ ტერიტორიაზე" - თქვა თამარ ჟვანიამ.
კომისიამ ასევე მიიღო გადაწყვეტილება, რომ უცხოეთში საარჩევნო უბნებზე ხმის მიცემის ვადა ადგილობრივი დროით 24:00 საათამდე გახანგრძლივდეს.