გარემოს დაცვის ეროვნული სააგენტოს ინფორმაციით, ინტენსიური თოვისა და ზვავსაშიშროების გამო, კობი-გუდაურის 93-104 კილომეტრზე ყველა სახის ავტოსატრანსპორტო საშუალების მოძრაობა აკრძალულია.
ინტენსიური თოვის გამო შეზღუდვებია დაწესებულია ამავე გზის მლეთა-გუდაურის მონაკვეთზეც. კერძოდ, შეზღუდულია მისაბმელიანი და ნახევრადმისაბმელიანი ავტოტრანსპორტის გადაადგილება, სხვა სახის ტრანსპორტის მოძრაობა კი მხოლოდ მოცურების საწინააღმდეგო ჯაჭვების გამოყენებითაა დაშვებული.
ასეთივე შეზღუდვებია თოვის და ლიპყინულის გამო ფარავანის უღელტეხილზეც. სააგენტოს ინფორმაციით, ინტენსიურად თოვს გომბორის უღელტეხილზეც.
საავტომობილიო გზების დეპარტამენტის თავმჯდომარის მოადგილის, გიორგი წერეთლის განმარტებით, ამჟამად ზემოხსენებულ მონაკვეთებზე ტექნიკურ მარილს ყრიან.
