დღეს საქართველოს სახალხო დამცველთან არსებულმა ტოლერანტობის ცენტრმა ტოლერანტობის საერთაშორისო დღისადმი მიძღვნილი ღონისძიება გამართა. ღონისძიებაზე ეროვნულ უმცირესობათა და რელიგიათა საბჭოების მიერ გამოვლენილი ტოლერანტობის ქომაგები დააჯილდოეს.

ტოლერანტობის ქომაგის ჯილდო გადაეცა: 

იოჰანეს დუმა - ჰოლანდიის ელჩი საქართველოში;

მონაზონი​ სიდონია;

ვიტალი საფაროვი - ვიტალი საფაროვი თბილისში 24 სექტემბერს მოკლეს. საფაროვი არასამთავრობო ორგანიზაცია „ჩართულობის და განვითარების ცენტრში“ მუშაობდა.  შსს საქმეს რასობრივი, რელიგიური, ეროვნული ან ეთნიკური შეუწყნარებლობის გამო განზრახ მკვლელობის ჩადენის მუხლით იძიებს; 

ნათია კაპანაძე - აჭარის ტელევიზიისა და რადიოს დირექტორი;

სოფო სიჭინავა - ცესკოს თანამშრომელი;

ვაჟა ვარდიძე - სულხან-საბა ორბელიანის სასწავლო უნივერსიტეტის რექტორი, თეოლოგი;

ეთნიკურობისა და მულტიკულტურალიზმის ცენტრი;

მედიაორგანიზაციები: „ბათუმელები“, მარნეულის სათემო რადიო, პანკისის სათემო რადიო WAY;

სპეციალური ჯილდო გადაეცათ:

გარი აუგუსტი - ქართველ გერმანელთა სათვისტომოს​ ხელმძღვანელი;

რეგინა იაკობიძე - ლატვიის სათვისტომოს თავმჯდომარე.