ჯამში ეს არის 600 000 მოქალაქე, ძირი, ჯარიმები ყველაფერი - თანხა არის მილიარდ-ნახევრამდე და ამას სრულად ფარავს ფონდი „ქართუ“, - ამის შესახებ ფინანსთა მინისტრმა ივანე მაჭავარიანმა მთავრობის სხდომის შემდეგ საბანკო დავალიანების ჩამოწერის საკითხზე ისაუბრა.
„ეს 600 ათასი ადამიანი გამოიყო შემდეგი კრიტერიუმით, ვისაც ერთ წელზე ხანდაზმული ვალი აქვს, 2000 ლარამდე. ეს ზუსტად ის მოწყვლადი კატეგორიაა. ის უპასუხისმგებლო დაკრედიტება, რომელზეც ჩვენ ვსაუბრობთ არ ხდებოდა 10 და 20 და 100 ათასი ლარების გაცემით, ეს ხდებოდა ზუსტად 300, 500 და 1000 ლარის ფარგლებში. ზუსტად ამან გამოიწვია ჭარბვალიანობა,“ - განაცხადა ფინანსთა მინისტრმა.