საქართველოს ფინანსთა მინისტრის, ივანე მაჭავარიანის ინფორმაციით, 3 დეკემბრისთვის ამოქმედდება ვებგვერდი, რომელზეც თითოეულ ადამიანს შეეძლება, გადაამოწმოს თავისი მონაცემები და ნახოს, შეეხება თუ არა ვალის განულება.
როგორც ივანე მაჭავარიანმა მთავრობის სხდომის შემდეგ განაცხადა, მოქალაქეთა პირადი მონაცემები დაცული იქნება. მონაცემების შეყვანის შემდეგ ნახავს წითელ ან მწვანე ნიშნულს, რის შემდეგაც დასაზუსტებლად მიმართავს იმ საფინანსო ინსტიტუტს, ვისგანაც ჰქონდა სესხი აღებული.
ვალების განულება 15 დეკემბრიდან დაიწყება და დეკემბრის ბოლომდე გაგრძელდება.
