შეზღუდული შესაძლებლობის მქონე პირებისთვის სივრცის მოწყობისა და არქიტექტურული და გეგმარებითი ელემენტების გაუთვალისწინებლობისთვის ადმინისტრაციული პასუხისმგებლობა გამკაცრდება - შესაბამისი ცვლილელები „პროდუქტის უსაფრთხოებისა და თავისუფალი მიმოქცევის კოდექსში" შევა. 

ჯარიმის ოდენობები განისაზღვრება ადგილებისა და შენობის კლასის მიხედვით შემდეგნაირად:

თბილისის ტერიტორიაზე: მეორე კლასის შენობა-ნაგებობისათვის – 4 000 ლარით; მესამე კლასის შენობა-ნაგებობისათვის – 15 000 ლარით; მეოთხე კლასის შენობა-ნაგებობისათვის – 20 000 ლარით; მეხუთე კლასის შენობა-ნაგებობისათვის – 30 000 ლარით. თვითმმართველ ქალაქში – 2 000 ლარით; მუნიციპალიტეტის დასახლებაში – ქალაქში – 1 000 ლარით. მუნიციპალიტეტის დასახლებაში – დაბაში ან სოფელში – 500 ლარით.

კანონდარღვევაზე ოქმს წერს ზედამხედველი ორგანო, კანონდამრღვევს კი ჯარიმის გადასახდელად 30-დღიანი ვადა ექნება, რომლის გადაუხდელობის შემთხვევაშიც მას ორმაგი ოდენობის ჯარიმა დაერიცხება. 

კვლავ შედგება წერილობითი გაფრთხილება და პირს დარღვევის გამოსწორება 30 დღის ვადაში დაევალება. ეს პროცედურები იქამდე გაგრძელდება, სანამ შენობა შესაბამისობაში მოვა. 

ცვლილებები პარლამენტის ბიუროს უახლოეს სხდომაზე წარედგინება. პროექტის ავტორები საპარლამენტო უმრავლესობაა.