„ამ ქვეყანაში სულ არჩევნებია. საზოგადოებას ახსოვს, რომ აგვისტოში პრემიერ-მინისტრმა დაანონსა ეს გადაწყვეტილება და მისი ფინალი არის დღეს, როცა ამოვწურეთ მოლაპარაკებები იმ საფინანსო ინსტიტუტებთან, რომელთა ნებაზეც იყო ამ გადაწყვეტილების სისრულეში მოყვანა." - ასე უპასუხა მამუკა მდინარაძემ ჟურნალისტის შეკითხვას ამომრჩევლის მოსყიდვის შესაძლო მცდელობაზე. ჟურნალისტმა მდინარაძეს ჰკითხა, ხომ არ იქნება ეს ინიციატივა აღქმული ამომრჩევლის მოსყიდვად, მით უფრო იმ მოცემულობაში, როცა ვალებს ფონდი „ქართუ“ იხდის.
არასამთავრობო ორგანიზაციების შეფასებით, მთავრობის მიერ დღეს დაანონსებული ინიციატივა, ვალების ჩამოწერის შესახებ, ამომრჩევლის მოსყიდვის ნიშნებს შეიცავს და შესაბამისი ორგანოები უნდა დაინტერესდნენ.