საქართველოს პროკურატურა შეისწავლის მთავრობის ახალ ინიციატივას, რომელიც მოქალაქეთა გარკვეული რაოდენობისთვის საბანკო ვალების ჩამოწერას გულისხმობს.
„ეს არის კერძო ხასიათის შეთანხმება, რომელიც ეხება მოსახლეობის დიდ ნაწილს. შევისწავლით და დანაშაულის ნიშნების არსებობის შემთხვევაში, მივიღებთ შესაბამის გადაწყვეტილებას”, – განუცხადეს „ლიბერალს" პროკურატურაში.
აუდიტის სამსახურის განცხადებით, ისინი ამ ინიციატივას არ შეისწავლიან, რადგან მისი შესწავლა მათ მანდატს და კომპეტენციას სცდება.
არასამთავრობო ორგანიზაციების შეფასებით, მთავრობის მიერ დღეს დაანონსებული ინიციატივა, ვალების ჩამოწერის შესახებ, ამომრჩევლის მოსყიდვის ნიშნებს შეიცავს და შესაბამისი ორგანოები უნდა დაინტერესდნენ.