ხობში, საცხოვრებელ სახლში აფეთქების შედეგად დაშავებული ერთ-ერთი ხანდაზმული მამაკაცი თბილისის დამწვრობის ცენტრში გარდაიცვალა.
„ლიბერალთან" საუბარში დამწვრობის ცენტრის ხელმძღვანელმა გუგა ქაშიბაძემ განაცხადა, რომ გარდაცვლილის ოჯახის 4 წევრი ამ დროისთვის დამწვრობის ცენტრში, რეანიმაციულ განყოფილებაშია. ოთხივე მათგანის მდგომარეობა კრიტიკულია. მათ შორისაა 9 წლის მოზარდი.
დაშავებულები ერთი ოჯახის წევრები არიან, რომლებმაც დამწვრობა სახლში, სავარაუდოდ, ბენზინის აალების შედეგად მიიღეს. ყველა მათგანი, სხეულის მძიმე დამწვრობით, ხობიდან თბილისის დამწვრობის ცენტრში გუშინ მოათავსეს.
