საქართველოს პრემიერ-მინისტრმა მამუკა ბახტაძემ ბრიუსელში ევროკომისიის პრეზიდენტ ჟან კლოდ იუნკერთან ერთად გამართულ პრესკონფერენციაზე განაცხადა, რომ რუსეთი საქართველოს მშვიდობიან მოსახლეობას იტაცებს, აწამებს, კლავს და ოკუპაციის ხაზზე მავთულხლართებს წევს.
„მადლობა მინდა გადავუხადო ჩვენს ევროპელ პარტნიორებს, იმისთვის, რომ ფინანსურ შეთანხმებებზე ხელმოწერის შესაძლებლობა მოგვეცა. ეს არის კიდევ ერთი მტკიცებულება იმისა, რომ ჩვენი პარტნიორობა ძალიან მყარია. გვინდა, კიდევ უფრო განვითარდეს ჩვენი ურთიერთობა და უფრო ფუნქციური დატვირთვა იქონიოს ამ ურთიერთობამ. ჩვენ გვქონდა შესაძლებლობა განგვეხილა საქართველოში უსაფრთხოებისა და მშვიდობიანი გადაჭრის საკითხები. თუმცა, ეს ყველაფერი მიმდინარეობს რუსეთის პროვოკაციის ფონზე, რომელიც ყოველდღიურად ინტენსიური ხდება.
ჩვენი მოლაპარაკებები არის ძალიან მნიშვნელოვანი, თუმცა, რუსეთი ყოველდღიურად ჩვენს მშვიდობიან მოსახლეობის იტაცებს, აწამებს, კლავს და ოკუპაციის ხაზზე მავთულხლართებს წევს. ამ ძალიან რთულ კონტექსტში საქართველოს ტერიტორიული მთლიანობის დასაცავად საერთაშორისოდ აღიარებული საზღვრების ფარგლებში ძალიან მნიშვნელოვანია ყველა განცხადება. ყველა განცხადებას ვაფასებთ იმისათვის, რომ ევროკავშირმა გაამახვილოს ამაზე ყურადღება და მოახდინოს რეაგირება“, - განაცხადა მამუკა ბახტაძემ.