გაერთიანებული ოპოზიციის, „ძალა ერთობაშია“-ს პრეზიდენტობის კანდიდატი გრიგოლ ვაშაძე არასამთავრობო ორგანიზაციების წარმომადგენლებს შეხვდა. შეხვედრის შემდეგ მან ჟურნალისტებთან ისაუბრა.
"ცივილიზებულობის ნიშნებს ვკარგავთ ამ ბრძოლაში, რომელიც, ე.წ. ხელისუფლებამ გამოუცხადა მარტო ოპოზიციას კი არა მთელ საზოგადოებას, არამსამათვრობო ორგანიზაციებს და პოლიტიკურ პარტიებს“, - ამბობს გრიგოლ ვაშაძე.
გრიგოლ ვაშაძემ „ომეგა ჯგუფის“ დამფუძნებლის, ზაზა ოქუაშვილის გუშინდელ ინტერვიუზეც ისაუბრა. მისი თქმით, ოქუაშვილის ნათქვამი ყოველთვის მტკიცებულებებით დასტურდება.
„ეს არის საგა, მრავალსერიანი მხატვრული ფილმი. როცა ბატონი ოქუაშვილი ასახელებს ფაქტს და შემდეგ ეს ფაქტი მყარდება მტკიცებულებებით. გუშინ მან თქვა, რომ შესაბამის მტკიცებულებებს ბრიტანეთის გამოძიებას და ფრანგულ გამოძიებას წარუდგენს. ჩემთვის, როგორც საქართველოს მოქალაქისთვის ეს მტკიცებულებები, რომელსაც ბატონი ოქუაშვილი საზოგადოებას სამ თვეზე მეტია წარუდგენს, სრულიად საკმარისია. შემიძლია დაგამშვიდოთ, აუცილებლად კიდევ ბევრჯერ გაახარებს ოქუაშვილი, ე.წ. ქართულ ოცნებას“, - განაცხადა გრიგოლ ვაშაძემ.
