საქართველოს პრემიერ-მინისტრმა, მამუკა ბახტაძემ ეგზიტპოლების გამოცხადების შემდეგ „ქართული ოცნების“ ოფისში კომენტარი გააკეთა. მან მიულოცა პრეზიდენტობის კანდიდატ სალომე ზურაბიშვილს მომავალი გაპრეზიდენტება.
„საქართველო არის შემდგარი დემოკრატია. მოქალაქეებს მინდა გადავუხადო მადლობა. საკმაოდ მაღალი იყო არჩევნებში მონაწილეობის დონე.
ამასთან ერთად მინდა, კიდევ ერთხელ გავიმეორო - ჩვენთვის, როგორც მმართველი ძალისთვის მნიშვნელოვანი იყო როგორც პირველი, ისე მეორე ტურის შედეგებიც. ჩვენ მივიღეთ გზავნილი ჩვენი მოქალაქეებისგან და ჩვენ ვიცით, რა არის გასაკეთებელი. დღეს, ბუნებრივია, არ არის ის დრო, რომ ჩვენ დრო დავკარგოთ ზეიმისთვის. ახლა არის მუშაობის დრო და მინდა განვაცხადო, რომ ვართ მზად ვუპასუხოთ ყველა გამოწვევას, რაც არის ქვეყანაში, "- განაცხადა მამუკა ბახტაძე.
ზურაბიშვილი -55%, ვაშაძე 45% - „რუსთავი 2-ის“ ეგზიტპოლი
„იმედის“ ეგზიტპოლის წინასწარი მონაცემები: გრიგოლ ვაშაძე 42% - სალომე ზურაბიშვილი 58%