„გამარჯვებას მის მაგივრად ბიძინა ივანიშვილი ზეიმობს. ლეგიტიმურად როგორ უნდა შეფასდეს ეს არჩევნები? მივდივარ კი არა, ახლა მოვდივარ, ქოცებო. ვუყურებ ბედნიერი სახით თქვენს დელეგიტიმაციას. დაელოდეთ ახლა ანგარიშებს საერთაშრისო ორგანიზაციების.  მე მწამს, რომ ეს არჩევნები ლეგიტიმური არ არის." - განაცხადა  სამაუწყებლო კომპანია „რუსთავი 2-ის" გენერალურმა დირექტორმა ნიკა გვარამიამ „განსხვავებული აქცენტების" ეთერში. 

დღეს საქართველოში საპრეზიდენტო არჩევნების მეორე ტური გაიმართა. ეგზიტპოლის წინასწარი შედეგებით, სალომე ზურაბიშვილი საპრეზიდენტო არჩევნების მეორე ტურში იმარჯვებს. ცესკოს მონაცემებით, არჩევნებში ორ მილიონამდე ამომრჩეველმა მიიღო მონაწილეობა.