ქუთაისის აეროპორტში თაკო ჩარკვიანსა და მის მეუღლეზე თავდასხმის ბრალდებით დაკავებულ დავით გორგოძეს მოსამართლემ აღკვეთის ღონისძიების სახით 3000 ლარიანი გირაო შეუფარდა. დაკავებულს გირაოს გადასახდელად 25 დღიანი ვადა მიეცა. ის საპატიმრო დაწესებულებას გირაოს გადახდის შემდეგ დატოვებს.
1 დეკემბერს ქუთაისის აეროპორტში თაკო ჩარკვიანსა და მის მეუღლეზე თავდასხმისთვის შსს-მ ერთი პირი ძალადობის, ხოლო სამი პირი წვრილმანი ხულიგნობის ბრალდებით დააკავა.
გამოძიების პირველადი ინფორმაციით, ჩარკვიანს და მის მეუღლეს სავარაუდოდ პოლიტიკური შეხედულებების გამო თავს დაესხნენ.