საქართველოს 2019 წლის ბიუჯეტის საბოლოო პროექტი პრეზიდენტის ადმინისტრაციაში მომუშავეთა რაოდენობის 140-დან 60-მდე შემცირებას ითვალისწინებს.

ასევე შემცირებულია პრეზიდენტის ადმინისტრაციის ბიუჯეტიც. 2019 წლის პროექტის მიხედვით, ადმინისტრაციის ბიუჯეტი 6 000 000 ლარით განისაზღვრა, მაშინ როდესაც 2018 წელს ის 9 800 000 ლარი იყო.

აღსანიშნავია, რომ 2019 წლის ბიუჯეტის ინიცირებული ვარიანტი როგორც მთლიანი ბიუჯეტის, ასევე მომუშავეთა რაოდენობის შემცირებას არ ითვალისწინებდა.

მომავალი წლის ბიუჯეტის პროექტში თანხა საერთოდ არაა გაწერილი პრეზიდენტის სარეზერვო ფონდისთვის. 2018 წლის ბიუჯეტით, პრეზიდენტის სარეზერვო ფონდი 5 მილიონ ლარს შეადგენდა, 2019 წლის ბიუჯეტის პროექტში კი აღნიშნულისთვის თანხა გამოყოფილი არაა. ინიცირებული ვარიანტში კი პრეზიდენტის სარეზერვო ფონდის მოცულობა 5 მილიონი ლარით იყო განსაზღვრული.