50 წლის ასაკში გარდაიცვალა „ერთიანი ნაციონალური მოძრაობის" წევრი ნიკოლოზ რურუა.
ლიბერალთან ინფორმაციას ადასტურებენ ენმ-ის ოფისში.
გარდაცვალების ფაქტს ადასტურებს შს სამინსიტროც.
ის საკუთარ სახლში გარდაცვლილი იპოვეს. გარდაცვალების მიზეზი, ჯერჯერობით, უცნობია.
ნიკოლოზ რურუა იყო საქართველოს მეექვსე მოწვევის პარლამენტის წევრი. პარლამენტის წევრობისას იყო თავდაცვისა და უშიშროების კომიტეტის თავმჯდომარის პირველი მოადგილე და იურიდიულ საკითხთა კომიტეტის წევრი.
2009 წლის 9 დეკემბერს ნიკოლოზ რურუა დაინიშნა საქართველოს კულტურის, ძეგლთა დაცვისა და სპორტის მინისტრად.
