ჰააგის სისხლის სამართლის საერთაშორისო სასამართლოს დაზარალებულთა ფონდის დირექტორატში საქართველოს იუსტიციის მინისტრის მოადგილე გოჩა ლორთქიფანიძე 123 სახელმწიფოს წარმომადგენლის მხარდაჭერით აირჩიეს.
მოცემულ პოზიციაზე არჩეული პირის მანდატი ორწლიანია, ხოლო დირექტორატი ხუთი წევრისაგან შედგება.
საქართველოს იუსტიციის სამინისტროს ინფორმაციით, გოჩა ლორთქიფანიძე არის პირველი ქართველი, ვინც ამ ფონდში აღმოსავლეთ ევროპის ქვეყნებისთვის განკუთვნილი კვოტით აირჩიეს. მან აღნიშნულ პოზიციაზე ბოსნია-ჰერცეგოვინის წარმომადგენელი შეცვალა.
„დღევანდელი გადაწყვეტილება მნიშვნელოვანია, რადგან საქართველოს ეძლევა შესაძლებლობა რომ საქართველოდან დაზარალებულთა უფლებების აღდგენაზე იზრუნოს." - განაცხადა თეა წულუკიანმა.