ამერიკის შეერთებულმა შტატებმა უკრაინულ გემებზე რუსეთის თავდასხმისა და მეზღვაურების დატყვევების ფონზე შავ ზღვაში სამხედრო ხომალდის გაგზავნისთვის მზადება დაიწყო.
აშშ-ის სამხედრო ძალებმა მოითხოვეს სახელმწიფო დეპარტამენტისგან, რომ თურქეთი ხომალდის ზღვაში შესვლის შესახებ გააფრთხილოს. ინფორმაციას CNN ავრცელებს.
ეს ნაბიჯი სამხედრო ძალების წარმოამდგენლების თქმით, ქერჩის სრუტეში რუსეთის მოქმედებებზე პასუხია. „ჩვენი მეექვსე ფლოტი ყოველთვის მზადაა, იყოს იქ, სადაც სჭირდებათ“, - თქვა რეგიონში მოქმედი ფლოტის პრესსპიკერმა კაილ რაინსმა.
საპასუხოდ, გუშინ რუსეთის თავდაცვის მინისტრმა განაცხადა, რომ რუსმა სამხედროებმა ანექსირებულ ყირიმში სამხედრო წვრთნა გამართეს საჰაერო თავდაცვის სისტემებით. რუსეთი უკრაინას დონბასში სამხედრო მოქმედებების დაწყებისთვის მზადებაში ადანაშაულებს.