ნინო ლომჯარიას ინფორმაციით, 2018 წლის პირველ ექვს თვეში სამსახურებრივი მოვალეობის შესრულებისას 77 ადამიანი დაშავდა, 35 კი გარდაიცვალა.
„რა თქმა უნდა, მისასალმებელი იყო შრომითი უფლებების შესახებ მიღებული კანონი, რომელსაც მთელი რიგი ხარვეზები ჰქონდა და დადებითად ვაფასებთ იმას, რომ საშემოდგომო სესიაზე მოხდა ინიცირება დამატებითი ცვლილებების. ამან უნდა დაარეგულიროს და უფრო ეფექტური გახადოს შრომის ზედამხედველობა და ამ ფუნქციით აღჭურვილი შრომის ინსპექტორები“,- განაცხადა სახალხო დამცველმა ბრიფინგზე, სადაც წლის შემაჯამებელი ანგარიში წარადგინა.
