თბილისის საკრებულოს წევრებმა დღევანდელ სხდომაზე ტაქსებთან დაკავშირებით ახალი რეგულაციები დაამტკიცეს. რეგულაციები ძალაში 2019 წლის ოქტომბრიდან შევა. 

ტაქსებისთვის ახალი რეგულაციები ორი სახის ლიცენზიას გულისხმობს. - „ა“ და „ბ“ კატეგორიას.

„ა" კატეგორიის ლიცენზია ითვალისწინებს, რომ ტაქსი უნდა იყოს თეთრი ფერის, მარცხენასაჭიანი, ხუთკარიანი (საბარგულის კარიანად). ასევე, ასეთი ტაქსები ისარგებლებენ უფასო საპარკინგე ადგილებით. ტაქსის მძღოლები, რომლებიც ელექტრომობილებით ახორციელებენ ტაქსის სერვისს, სრულად გათავისუფლდებიან ნებისმიერი ტიპის საპარკინგე ადგილზე გადასახადისგან. ასევე იქნება "ბ" კატეგორიის ტაქსი, რომელზეც ფერის მოთხოვნა არ ვრცელდება, ისინი ვალდებულები იქნებიან მხოლოდ გამოძახებებზე იმუშაონ“, - განუცხადა ფრაქცია „ქართული ოცნების“ თავჯდომარე  ბექა დავითულიანმა „ინტერპრესნიუსს“.

ტაქსებთან დაკავშირებით რეგულაციების პირველი ეტაპი აგვისტოდან დაიწყო და  მძღოლებისთვის ტაქსის ლიცენზიის აღებას ითვალისწინებდა.