საქართველოს საპატრიარქოს ცნობით, საქართველოში რუსეთის ეკლესიის საგარეო საქმეთა განყოფილების ხელმძღვანელი მიტროპოლიტი ილარიონი (ალფეევი) ორ თანმხლებ პირთან ერთად ჩამოვიდა.
განცხადების მიხედვით, სტუმრობის მიზეზი, 2016 წელს სინოდის მიერ წმინდანად შერაცხული იღუმენია თამარ მარჯანიშვილის ნაწილების ჩამოსვენებაა.
თუმცა განცხადებაში ასევე ვკითხულობთ, რომ „პარაკლისის დასრულების შემდეგ შედგა შეხვედრა, სადაც ეკლესიათა შორის არსებულ ვითარებაზე ისაუბრეს. მეუფე ილარიონმა შეშფოთება გამოხატა უკრაინის პრობლემის გამო და საქართველოს ეკლესიას გადმოსცა საბუთები, რომელშიცდაფიქსირებულია რუსეთის ეკლესიის პოზიცია.
მისმა უწმინდესობამ ბრძანა, რომ გაეცნობიან და შეისწავლიან როგორც მსოფლიო საპატრიარქოს, ისე რუსეთის ეკლესიის მიერ წარმოდგენილ მასალებს და წმ. სინოდის სხდომაზე იმსჯელებენ მათ შესახებ".