მოქმედმა პრეზიდენტმა, გიორგი მარგველაშვილმა, საქართველოს ნაკრების ვიცე კაპიტანი გურამ კაშია ბრწყინვალების საპრეზიდენტო ორდენით დააჯილდოვა.
ეროვნული გუნდის მცველმა ჯილდო "ჰუმანური იდეების გავრცელებისა და და ქვეყნის წინაშე ღვაწლისთვის" დაიმსახურა.
"ეს ჯილდო უფრო მეტია, ვიდრე სპორტსმენის, ფეხბურთელის" - თქვა კაშიამ დაჯილდოების შემდეგ.
შეგახსენებთ, რომ კაშიამ ფეხბურთში თანასწორობის მხარდაჭერისთვის (#EqualGame) UEFA-ს პირველი ჯილდოც მიიღო.
გურამ კაშია 2017 წელს ჰოლანდიის ჩემპიონატში არნემის „ვიტესის“ კაპიტნობისას ლგბტ თემის მიმართ ძალადობის საწინააღმდეგო კამპანიაში ჩაერთო და სპეციალურად მომზადებული ლგბტ დროშის ფერების სამკლაურით ითამაშა.
კაშიას ამ ნაბიჯს საქართველოში ჰომოფობიურად განყობილი ჯგუფების აგრესია მოჰყვა, თუმცა საქართველოს ნაკრების წევრმა თავისი პოზიცია დაიცვა.