დღეს თბილისში, წერეთლის გამზირზე ერთ-ერთ მოქალაქეს მანქანა გასტაცეს. პირი, რომელმაც ავტომობილი გაიტაცა დიდუბეში ავარიაში მოჰყვა და 5 მანქანა დააზიანა. როგორც „ლიბერალს“ შსს-ში უთხრეს ავტოსაგზაო შემთხვევის შედეგად არავინ დაშავებულა. გამტაცებელი პოლიციამ ადგილზე დააკავა.
შსს-ს ინფორმაციით, მომხდარზე გამოძიება სსკ-ის 177-ე მუხლის მესამე ნაწილით დაიწყო, რაც სატრანსპორტო საშუალების ქურდობას გულისხმობს და 4-დან 7 წლამდე პატიმრობას ითვალისწინებს.