თბილისის მერის, კახა კალაძის თქმით სატელევიზიო ანძის მოდერნიზება იგეგმება. როგორც კალაძე ამბობს, რამდენიმე ვარიანტი განიხილებოდა და შეჯერდნენ ორ ვარიანტზე, კონცეფცია კი ესტონურმა კომპანიამ „კოკო არქიტექსტიმ“ შეიმუშავა. კახა კალაძემ დედაქალაქის მთავრობის სხდომაზე ორივე პროექტი წარადგინა.
„არის ორი პროექტი, რომლებსაც ჩვენ განვათავსებთ ინტერნეტსივრცეში, აქაც გვაინტერესებს საზოგადოების აზრი და დამოკიდებულება, თუ რომელი პროექტი უფრო მოსაწონი იქნება და სამომავლოდ რომლის განხორციელება იქნება საინტერესო.
განთავსდება ვიზიტორთა ცენტრი, რომელიც გათვლილი იქნება 300 ათას ვიზიტორზე. ამ პროექტის ფარგლებში ასევე უნდა განთავსდეს რესტორანი. ზემოთ მოეწყობა პანორამული გადმოსახედები. 75 მეტრ სიმაღლეზე იქნება ეს კონკრეტული ობიექტი. ამ პროექტის ფარგლებში შესაძლებელი იქნება, დავასაქმოთ დაახლოებით 50 ადამიანი. პროექტის განხორციელება დაახლოებით 10 მილიონი დაჯდება. ჩვენ ამ პროექტს და ასევე იმას, რომელზეც წინასაარჩევნოდ ვსაუბრობდი (ეს არის მუხიანის პროექტი - რადიოქალაქი), უახლოეს ხანებში წარვუდგენ ბიზნესსექტორის წარმომადგენლებს და მივაწვდით სრულ ინფორმაციას”, – განაცხადა კახა კალაძემ.
თბილისის მერიის არქიტექტურის სამსახურის ვებგევრდზე განთავსებული ინფორმაციის მიხედვით, წარდგენილი პროექტი - თბილისის სატელევიზიო კოშკის განვითარებისა და ტურისტული ღირსშესანიშნაობის მოწყობის კონცეფცია თბილისის მერიამ რამდენიმე თვის წინ შეითანხმა.
პროექტი 1.
პროექტი 2.