„პოლიცია შეისწავლის თითოეული ინციდენტის ამსახველ ვიდეოკადრებს, ასევე გამოიკითხებიან მოწმეები, რის შემდგომაც ინციდენტები სამართლებრივად შეფასდება და მოჰყვება შესაბამისი რეაგირება". - აცხადებენ საქართველოს შინაგან საქმეთა სამინისტროში.
პოლიციის თქმით, თელავში საქართველოს პრეზიდენტის ინაუგურაციის ცერემონიაზე დასასწრებად
ქვეყანაში ჩამოსული მაღალი რანგის სტუმრებისა და დელეგაციების უსაფრთხოების დაცვის მიზნით, შინაგან საქმეთა სამინისტრომ მიიღო შესაბამისი ზომები.
„მიუხედავად გაფრთხილებისა, ალტერნატიული მარშრუტისა და ტრანსპორტის შეთავაზებისა, საპროტესტო აქციების მონაწილეები არ დაემორჩილნენ პოლიციის კანონიერ მოთხოვნებს, გადაუხვიეს შეთავაზებულ მარშრუტს, დაიწყეს ღია დაპირისპირება და ძალადობა პოლიციასთან. აშკარაა, რომ აქციის მონაწილეების მიზანი იყო პროვოკაციების მოწყობა, რადგან მათ ხელოვნურად გაამწვავეს პროცესი და დააზიანეს საპოლიციო ტრანსპორტი და ტექნიკა." - ვკითხულობთ პოლიციის განცხადებაში.
პრეზიდენტის ინაუგურაციის გასაპროტესტებლად გასამართი აქციის მონაწილეებს თელავისკენ არ უშვებენ.