„ახლა მთავარია მშვიდობიანი კონსოლიდაცია საქართველოს ყველა რეგიონში. ვისაც შეუძლია, ჩამოსვლა თბილისში, უნდა ჩამოვიდეს თბილისში. საჭიროა, მაქსიმალური კონსოლიდაცია თბილისში. ყველა რეგიონის წარმომადგენელს მოგვპარეს არჩევნები", - აცხადებს საქართველოს ყოფილი პრეზიდენტი მიხეილ სააკაშვილი.
როგორც სააკაშვილმა Facebook-Live-ში თქვა, ყველას უბრალოდ წაართვეს ქვეყნის განკარგვის უფლება.
„მე მინდა ვთხოვო ტაქსის, სამარშრუტო ტაქსის მძღოლებს, ვინც თბილისში თავისი ხმების დასაცავად წამოვა, ის ხალხი წამოიყვანოს. ჩვენ აუცილებლად ყველაფერი გამოგვივა. ამ ბრძოლაში მე ვარ თქვენთან ერთად ბოლომდე. ახლა საჭირო არის ჩვენი მობილიზება, იმისთვის, რომ მათ შორს მე მქონდეს საშუალება, რომ ბოლომდე ჩავერთო ამ ბრძოლაში, მაგრამ მთავარი არის თქვენი გამბედაობა. მათ სილაჩრეს უნდა დავუპირისპიროთ ჩვენი გამბედაობა", - ამბობს სააკაშვილი.