ყაზტრანსგაზ თბილისის სპეციალური მმართველის გიგლა თამაზაშვილის თქმით, ლარის კურსმა შესაძლებელია სერიოზული გავლენა მოახდინოს ბუნებრივი აირის ტარიფზე. მისი თქმით, ისინი დოლარის კურსით ყიდულობენ ბუნებრივ აირს.
თამაზაშვილის თქმით, საბოლოო შედეგს ბუნებრივი აირის ტარიფის შესახებ მარეგულირებელი კომისია 2 კვირაში გამოაცხადებს.
„ლარის კურსმა სერიოზული გავლენა შეიძლება იქონიოს ბუნებრივი აირის ტარიფზე, რადგან, კიდევ ერთხელ ვამბობ, საქართველო და კონკრეტულად ჩვენ დოლარის ეროვნული კურსით ვყიდულობთ გაზს. კერძო სექტორის პოზიცია და ჩვენი პოზიცია ტარიფთან დაკავშირებით ასეთია, რომ ჩვენ უნდა ვიმოქმედოთ ისე, რომ ჩვენ შევძლოთ ოპერაციების განხორციელება და დედაქალაქის უსაფრთხო და უწყვეტი გაზმომარაგება“, - განაცხადა თამაზაშვილმა.
