თბილისის მერმა, კახა კალაძემ „tv პირველის“ ეთერში განაცხადა, რომ არ გამოვრიცხავს, ერთ დღეს აღმოჩნდეს ოპოზიციაში.
ჟურნალისტმა ჰკითხა მერს, რა რეაქცია ექნებოდა, ოპოზიციაში ყოფნისას ხელისუფლებისგან რომ მოესმინა იგივე, რაც კალაძემ გრიგოლ ვაშაძეზე თქვა. კონკრეტაულად კითხვა შეეხებოდა კალაძის იმ განცხადებას, სადაც მერი ამბობდა, რომ ვაშაძეს თუ გადატრიალება სურდა, საკუთარ საწოლში გადატრიალებულიყო.
„მომიწევს გახსენება წლების, როდესაც მე ოპოზიციაში ვიყავი და არც იმას გამოვრიცხავ, რომ ერთ მშვენიერ დღეს აღმოვჩნდე ოპოზიციაში. ვარ პოლიტიკური გუნდის წევრი, ვარ პოლიტიკოსი და ეს ჩვეულებრივი პოლიტიკური ცხოვრების ნაწილია, აქ სიახლეს და რაღაც განსხვავებულს ვერაფერს ვერ ვიტყვი.
შესაბამისად, მე, როდესაც ვარ ხელისუფლებაში დაწარმოვადგენ ხელისუფლებას ყველაფერს ვაკეთებ იმისთვის, რომ რომ ჩემი ყოველდღიური ცხოვრებით, ქმედებებით, იმ საქმიანობით, რაზეც ვარ პასუხისმგებელი, ვიყოთ სამაგალითოები. მე იგივე დამოკიდებულება მქონდა, როდესაც ვიყავი ოპოზიციაში“,-განაცხადა კალაძემ.
კალაძემ შემდეგ განმარტა, რომ მას არ უგულისხმია „ქართული ოცნების“ ოპოზიციაში ყოფნა. მისი თქმით, „ქართული ოცნება“ სულ ხელისუფლებაში ვერ იქნება.
