თბილისის მერის კახა კალაძის თქმით, გუშინ სოცილაურ ქსელში გავრცელებული ინფორმაცია, რომ თითქოს აღმაშენებლის განზირზე ხეები უკანონოდ მოიჭრა, სიმართლეს არ შეესაბამება. მისი თქმით, ხეები იყო დაავადებული და სხვა ხეების დაზიანების თავიდან აცილების მიზნით უნდა მოჭრილიყო აღნიშნული ხეები.
„გუშინ სოციალურ ქსელში გავრცელდა ფოტომასალა, თითქოს თბილისის მერია უკანონოდ ჭრის ხეებს, კონკრეტულად საუბარია აღმაშენებლის გამზირზე. მინდა, მოსახლეობას მივაწოდო ზუსტი და სწორი ინფორმაცია, რომ ეს არის სიცრუე. არ დაიჯეროთ, მეგობრებო. ამავდროულად „რუსთავი 2-მა“ არ დააყოვნა და სიუჟეტი მიუძღვნა ამ ყველაფერს, სიცრუეს. აღნიშნულ ტერიტორიაზე ნამდვილად მოიჭრა ხეები, ხმებოდა დაავადებული ფიჭვები და ეს ყველაფერი გაკეთდა იმისთვის, რომ ყოფილიყო დროული პრევენცია, ჯანსაღი ხეების დაზიანების თავიდან არიდების მიზნით. სამწუხაროდ, უნდა ვთქვა, რომ ბევრი ასეთი დაავადებული ხე გვაქვს ჩვენ დედაქალაქში“, - განაცხადა კახა კალაძემ.
კალაძის თქმით, მოჭრილი ხეების ნაცვლად დაირგვება ახალი ხე-მცენარეები.
„ამ მოჭრილი ხეების ნაცვლად დაირგვება ახალი ხე-მცენარეები, რომელიც ნუსხით არის დამტკიცებული და წინასწარ ვიცით, რომელი ხეები არის საჭირო ჩვენი დედაქალაქისთვის, ამაზე მუშაობდა ჩვენი სამსახურები, არასამთავროობო ორგანიზაციები იყო ჩართული“, - თქვა კალაძემ.
