პრეზიდენტი სალომე ზურაბიშვილი დღეს საქართველოს პარლამენტს ეწვია. შეკითხვაზე, თუ ვისთან შესახვედრად მივიდა იგი პარლამენტში, ზურაბიშვილმა უპასუხა - „ჩემს თავთან".
„რუსთავი 2-ის" ცნობით, ზურაბიშვილი ჯერ ზვიად კვაჭანტირაძის, მოგვიანებით კი ეკა ბესელიას კაბინეტს ესტუმრა.
ეკა ბესელიას თქმით, მათ სხვადასხვა საკითხებზე ისაუბრეს და ეს მეგობრული შეხვედრა იყო.
„ვისაუბრეთ სხვადასხვა საკითხზე - როცა ქალბატონი სალომე პარლამენტის წევრი იყო, სხვათაშორის ჩემი სამუშაო ოთახის გვერდით იყო მისი სამუშაო ოთახი და ბევრ თემაზე გვქონდა ხოლმე სამუშაო შეხვედრები. ეს იყო ძალიან მეგობრული შეხვედრა, სხვადასხვა საკითხე ვისაუბრეთ, მათ შორის შემდეგი ეტაპის თანამშრომლობის ფორმებზე და პარლამენტის და პრეზიდენტის მუშაობის პროცესი არის მუდმივად ერთმანეთთან დაკავშირებული პროცესი" - თქვა ბესელიამ.