დედაქალაქის მთავრობის სხდომაზე კახა კალაძემ დააანონსა ახალი პროექტი „რადიოქალაქი“, რომლის პრეზენტაციაც პარასკევს გაიმართება. „რადიოქალაქი“ მუხიანში აშენდება. თბილისის მერმა ბიზნესის წარმომადგენლებს აქტიურობისკენ მოუწოდა.
„ეს იქნება მრავალფუნქციური, გასართობი, საქალაქო მნიშვნელობის, უპრეცედენტო პროექტი, რომელიც მომდევნო 2-3 წლის განმავლობაში უნდა განხორციელდეს და, რა თქმა უნდა, ამ პროექტით ისარგებლებს სრულიად დედაქალაქის მოსახლეობა“, - განაცხადა კალაძემ.