ზაზა სარალიძე საპატრიარქოში პატრიარქ ილია მეორეს შეხვდა, თუმცა ხორავას ქუჩის მკვლელობაზე არ უსაუბრიათ. მისი თქმით, პატრიარქმა იგი სადილზე დაპატიჟა.

ზაზა სარალიძის კომენტარს საზოგადოებრივი მაუწყებელი ავრცელებს:

„შევხვდი პატრიარქს, მკვლელობასთან დაკავშირებით არ გვისაუბრია, უბრალოდ დღეს დამპატიჟა თავად უწმინდესმა სიონის ტაძარში, სადაც პირველად ვეზიარე და იქიდან დამპატიჟა სადილზე. მეოთხედ შევხვდი პატრიარქს ჩემი ცხოვრების მანძილზე, ძალიან დიდი ძალა გადმოვიდა ჩემზე. პატრიარქის ნათესავმა გამომაცილა და მას ვეუბნებოდი, რომ ეს არის სულიერი სიმშვიდის ტერიტორია, შიგნით რომ შედიხარ, სულ სხვა ძალით გამოდიხარ, აბსოლუტურად დამშვიდებული“, – განაცხადა ზაზა სარალიძემ.