საზოგადოებრივი მაუწყებლის სამეურვეო საბჭოს წევრებმა საკუთარი ჰორორარის გაზრდას მხარი დაუჭირეს - ამის შესახებ ინფორმაციას „საზოგადოებრივი მაუწყებელი" ავრცელებს. 

1TV-ის ინფორმაციით, ჰონორარებისთვის განსაზღვრული თანხიდან, წლის ბოლოსთვის დარჩენილი 27 263 ლარი რვა მეურვეზე ერთჯერადად გადანაწილდება, რაც თითოეულზე 3 407 ლარს შეადგენს, ამავდროულად მათ ერთხმად დაამტკიცეს მომავალი წლიდან ყოველთვიური ჰონორარების გაზრდის საკითხიც.

„მიღებული გადაწყვეტილების თანახმად, 2019 წელს სამეურვეო საბჭოს თავმჯდომარის ყოველთვიური ჰონორარი 6 500 ლარი იქნება, თავმჯდომარის მოადგილის – 4 800 ლარი, სამეურვეო საბჭოს წევრის – 4 200 ლარი" - წერს „საზოგადოებრივი მაუწყებელი".

გადაწყვეტილებას საბჭოს წევრი ნინია კაკაბაძე გამოეხმაურა. მის განცხადებას მაუწყებლის ბიუჯეტი როდესაც იზრდება, მექანიკურად იზრდება სამეურვეო საბჭოს ბიუჯეტიც და მათ შორის ჰონორარებიც. 

კაკაბაძე წერს, რომ 2018 წლის საბჭოს ბიუჯეტში საჰონორარო ნაწილში მორჩენილი იყო თანხის ნაწილი რომელიც არ გაიცა, რადგან საბჭო თვეების განმავლობაში არასრული შემადგენლობით მუშაობდა.

„როგორც ჩვენმა ფინანსურმა კონსულტანტმა აგვიხსნა, ამ თანხის სხვა მიზნით დახარჯვა კანონს ეწინააღმდეგება და აუდიტის დასკვნაში ერთხელ უკვე მოხვდა მსგავს დარღვევაზე მითითება" - წერს კაკაბაძე.

მისი თქმით, სხდომაზე იგი გამოვიდა ინიციატივით, მთლიანად საბჭო გადავიდეს ჰონორარულ ანაზღაურებაზე და ყველა სხდომის გაცდენის შემთხვევაში დაექვითოს თანხა. მისივე განმარტებით, ანაზღაურება უნდა მოხდეს დასწრების მიხედვით.