საქართველოს პარლამენტის თავმჯდომარის, ირაკლი კობახიძის თქმით, საქართველოს პარლამენტი მიმდინარე სესიაზე არ მიიღებს უზენაესი სასამართლოს მოსამართლეების განწესების გადაწყვეტილებას. ამ საკითხს პარლამენტი საგაზაფხულო სესიის დაწყებისთანავე მიუბრუნდება.
„როგორც მოგეხსენებათ იუსტიციის უმაღლესმა საბჭომ პარლამენტს ასარჩევად წარუდგინა უზენაესი სასამართლოს მოსამართლეობის კანდიდატები. უზენაესი სასამართლოს მოსამართლეების კანდიდატების წარდგენა საბჭოს მხრიდან დასაბუთებული იყო სასამართლოს წარმომადგენლობის შევსების საჭიროებით.
როგორც მოგეხსენებათ, ამჟამად უზენაეს სასამართლოში წარმოდგენილია 28-დან მხოლოდ 10 მოსამართლე, რაც ხელს უშლის საქმეთა დროულ განხილვასა და გადაწყვეტას.
სხვადასხვა დაინტერესებული მხარის მიერ გამოითქვა სურვილი, კანდიდატების შერჩევა განხორციელდეს წინასწარ გაწერილი პროცედურისა და კრიტერიუმების შესაბამისად.
აღნიშნულის გათვალისწინებით და იუსტიციის უმაღლესი საბჭოს მიერ დღეს გაცხადებული პოზიციის შესაბამისად, საქართველოს პარლამენტი მიმდინარე სესიაზე არ მიიღებს უზენაესი სასამართლოს მოსამართლეების განწესების გადაწყვეტილებას. ამ საკითხს პარლამენტი საგაზაფხულო სესიის დაწყებისთანავე მიუბრუნდება, რათა უზრუნველყოფილ იქნეს სასამართლოს შემადგენლობის დროული შევსება მაღალკვალიფიციური კადრებით“, – განაცხადა ირაკლი კობახიძემ.
უზენაესის მოსამართლეობის კანდიდატების დასახელების პროცესი კონსტიტუციასთან შეესაბამოა - ომბუდსმენი
იუსტიციის უმაღლესი საბჭოს მოსამართლე წევრები განცხადებას ავრცელებენ