თბილისში H1N1 ვირუსით ინფიცირების შემდეგ ახალგაზრდა ქალი გარდაიცვალა. 22 წლის ქალი ინფექციურ საავადმყოფოში ერთი კვირის წინ მიიყვანეს. ექიმების მცდელობის მიუხედავად, მისი გადარჩენა ვერ მოხერხდა.
„H1N1-თან ერთად იყო საკმაოდ მძიმე დაავადება", - ამის შესახებ დაავადებათა კონტროლის ცენტრის დირექტორმა, ამირან გამყრელიძემ 22 წლის ქალის გრიპით გარდაცვალების ფაქტზე განაცხადა, რომ დეტალებზე ვერ ისაუბრებს, პაციენტის უფლებებიდან გამომდინარე.
„გრიპის ინფიცირებიდან დაახლოებით მეხუთე დღეს დაავადება გართულდა, არსებული სიტუაცია სიცოცხლესთან შეუთავსენებლი იყო შემოსვლისასაც და მიუხედავად დაწყებული ინტენსიური მკურნალობისა, მდგომარეობა ვერ გამოსწორდა", - აცხადებს ინფექციური საავადმყოფოს ექიმი მარინა ეზუგბაია.
ექიმების თქმით, თავდაპირველად პაციენტი ბორჯომის კლინიკაში მკურნალობდა, ხოლო როდესაც თბილისში, ინფექციურ საავადმყოფოში გადაიყვანეს, მისი მდგომარეობა უკვე მძიმე იყო და მართვით სუნთქვაზე იმყოფებოდა.
