ჭავჭავაძის გამზირზე მომხდარი ავტოსაგზაო შემთხვევის საქმეზე ბრალდებულ სასწრაფო დახმარების ავტომანქანის მძღოლს აღკვეთის ღონისძიების სახედ 5 000 ლარის ოდენობის გირაო შეეფარდა.
IPN-ის ცნობით, პროკურატურამ ბრალის ფორმულირებისას აღნიშნა, რომ მძღოლს ჩაეძინა, რის გამოც მან დაკარგა კონტროლი ავტომობილის მართვისას.
ადვოკატის, ვახტანგ თალაკვაძის თქმით, ვიდრე დაზუსტებით არ იქნება ცნობილი, თუ რამ გამოიწვია ავტომობილზე კონტროლის დაკარგვა, არ შეიძლება მტკიცება, რომ მძღოლს ჩაეძინა.
დაცვის მხარის პოზიციით, არ არის გამორიცხული, რომ ავტოსაგზაო შემთხვევა გამოწვეული იყო რთული სამუშაო გრაფიკიდან გამომდინარე და საჭიროა, ამ გარემოებებსაც მიექცეს ყურადღება.
---
9 იანვარს ჭავჭავაძის გამზირზე, სასწრაფო დახმარების მანქანა მშენებარე კორპუსთან მუშებისთვის განკუთვნილ ჯიხურს შეეჯახა.
როგორც „ლიბერალს" შსს-ში განუცხადეს, შედეგად დაშავდა 12 ადამიანი, ერთი კი გარდაიცვალა.
უწყებაში ამბობენ, რომ მომხდარზე გამოძიება 276-ე მუხლის მეხუთე ნაწილით მიმდინარეობს, რაც სატრანსპორტო საშუალების უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.