„თემის" სოციალურმა საწარმომ დღეს ბიო, 100% ორგანული ღვინისა და წვენების დეგუსტაცია გამართა.
„თემი" არის სოფელი გრემის ტერიტორიაზე არსებული სათემო და სოციალური საწარმო, რომელიც ფუნქციონირებს 1989 წლიდან და დღესდღეობით 70 სხვდასხვა შესაძლებლობისა და გამოცდილების ადამიანი ცხოვრობს. თემის სოციალურ საწარმოს აქვს რამდენიმე მიმართულება: მეღვინეობა, მემინდვრეობა, ველოტურიზმი, ხილის წვენის საწარმო, ბოსტანი, საქათმე, საფუტკრე, სადურგლო.
ესტონეთის საელჩოს ცნობით, ესტონეთის მთავრობის ფინანსური მხარდაჭერითა და ესტონელი ექსპერტების გამოცდილების გაზიარებით, თემის სოციალურმა საწარმომ შეიძინა სპეციალური დანადგარი და დაიწყო ორგანული წვენების წარმოება, შეიქმნა დამატებით 9 სამუშაო ადგილი და რამაც ხელი შეუწყო თემის ბენეფიციარების ფინანსურ დამოუკიდებლობასა და აქტიურ ჩართულობას საზოგადოებრივ ცხოვრებაში.
„თემის" სოციალური საწარმო ნატურალურ წვენებს ესტონეთის საგარეო საქმეთა სამინისტროს „განვითარების სფეროში თანამშრომლობის" პროგრამის ფინანსური მხარდაჭერით აწარმოებს.
